Woh larki kaisee larki hay

Woh larki kaisee larki hay
Main jis ko chaha karta hoon
main jis ko socha karta hoon
or Shayad...Pooja karta hoon!!
Jisay kabhee bhee, dekha to naheen
Mehsoos magar main karta hoon
Or Aksar socha karta hoon

Keh kaisee ho ge woh larki
Jo rehtee hay meree sochon main
meray khwabon main,
meree Sanson main,
meree Rag Rag main jo ban kar Khoon
rehtee hay Rawan Din Raton main
(Rag= Vessele, Khoon = Blood, Rawan= Run, Din
Raton=Day & Nights)

WOh hay bhee.. ya koi dhoka hay?
woh khwab hay..hawa ka jhonka hay?
woh jo bhee hay, par kaisee hay?
Kia meray Khawabon jaisee hay?
Ya phir un Chehron jaisee hay
jin ka main tasawur karta hoon
(Jhinka=Breeze, un=those, Chehron=faces,
tasawur=visualize, imagine)

Woh kaisee hay..
WOh kaisee hay,
kia meray khwabon jaisee hay?

Itna toota hoon ki

Itna toota hoon ki choone' se bikhar jaoonga...
Abh agar aur dua doge to mar jaoonga

Pooch kar mera pata, waqt raygaan na karo...
main to banjara hoon, kya jane kidhar jaaonga
[waqt raygaan = time waste]

Har taraf dundh hai, jugnu hai na Chiraag koi...
Kuan pehchanega, basti mein agar jaoonga

Zindagi, main bhi Musafir hoon teri kashti ka...
Tu jahan mujh se kahegi, main utar jaoonga

Phool reh jayenge guldaan mein, yadoon ki nazar...
Main to khusbhu hoon, fhizaon mein bikhar jaoonga


(Album: Tere Sehar mein - Ghulam Ali
Lyrics: Moin Nazar)

tanhaa tanhaa ham ro lenge

tanhaa tanhaa ham ro lenge mehfil mehfil gaayenge
jab tak aaNsuu paas rahenge tab tak giit sunaayenge

tum jo socho vo tum jaano ham to apnii kahate hain
der na karanaa ghar jaane mein varanaa ghar kho jaayenge

bachchon ke chhoTe haathon ko chaaNd sitaare chhuune do
chaar kitaabein paDh kar vo bhii ham jaise ho jaaeyenge

kin raahon se door hai manzil kaun saa rastaa aasaaN hai
ham jab thak kar ruk jaayenge auron ko samajhaayenge

achchhii soorat vaale saare patthar-dil hon mumkin hai
ham to us din raa_e denge jis din dhokaa khaayenge.



-by Nida Fazli and sung by Jagjit Singh

Kabhi kisi Ko muqamal jahan

Kabhi kisi Ko muqamal jahan nahi milta
Kahin zameen to kahin Aasman nahi milta

jisse bhi dekhiye woh apne aap mein gumm hai
zubaan milli hai magar hum-zubaan nahi milta

bhuja sakka hai bala kaun waqt ke sholey
yeh aisi aag hai jismein duan nahi milta

tere jehaan mein aisa nahi ki pyaar na ho
jahan umeed ho iski wahan nahi milta


Voice - Lata
Film - Ahista Ahista

ye dil kabhii na muhabbat

ye dil kabhii na muhabbat me.n kaamayaab huaa
mujhe Kharaab kiyaa, aap bhii Kharaab huaa


ajal me.n, ziist me.n turabat me.n, hashr me.n zaalim
tere sitam ke liye mai.n hii intaKhaab huaa


[ajal = death; ziist = life; turabat = grave]
[hashr = day of judgement; intaKhaab = selected]


nigaah-e-mast ko saaqii kii kaun de ilzaam
meraa nasiib ki rusavaa meraa shabaab huaa


[shabaab = youth]


hamaare ishq kii das-biis ne bhii daad na dii
kisii kaa husn zamaane me.n intaKhaab huaa


fanaa kaa daavaa hazaaro.n ko thaa zamaane me.n
habaab ne mujhe dekhaa to aab-aab huaa


[habaab(hubaab) = bubble; aab = water]

agar talaash karuu.N

agar talaash karuu.N ko_ii mil hii jaaegaa
magar tumhaarii tarah kaun mujhe chaahegaa


tumhe.n zaruur ko_ii chaahato.n se dekhegaa
magar vo aa.Nkhe.n hamaarii kahaa.N se laaegaa


naa jaane kab tere dil par na_ii sii dastak ho
makaan Khaalii huaa hai to ko_ii aaegaa


mai.n apanii raah me.n diivaar ban ke baiThaa huu.N
agar vo aayaa to kis raaste se aaegaa


tumhaare saath ye mausam farishto.n jaisaa hai
tumhaare baad ye mausam bahut sataaegaa

ab main raashan ki qataaron

ab main raashan ki qataaron mein nazar aataa hoon
apne kheton se bichhad ne ki sazaa paata hoon | M |

itni mehangaaee ke bazaar se kuchh laataa hoon
apne bachchon mein use baant ke sharmaataa hoon |

apne neendon ka lahoo pauchh ne ki koshish mein
jaagte jaagte thak jaataa hoon so jaataa hoon |

koi chaadar samajh ke kheench na le phir se "Khaleel"
main qafan oudh ke footpath pe so jaataa hoon | M |


-------------------------------------------------------
Singer : Jagjit Singh
Poet : Khaleel Dhantejvi
Album : Cry for Cry - by Jagjit Singh

Aankh se door na ho

Aankh se door na ho, Dil se uttar jayega
Waqt ka kya hai, guzarta hai guzar jayega

Itna mayoos na ho, irwat-e-gham se apni
Tu kabhi khud ko bhi dekhega to darr jayega

Tum sare-rah-e-wafa dekhte reh jaaoge
Aur woh bam-e-rafaqat se uttar jayega

Zindagi teri aata hai to yeh jaane wala
Teri bakshish teri dehleez pe dar jayega



-----------------------------------------
Lyrics - Ahmad Faraz
Singer - Lata Mangeshkar
Album - Sajda - vol 2

Aay mohabbat tere anjaam pe

Aay mohabbat tere anjaam pe rona aaya
Jaane kyoon aaj tere naam pe rona aaya

Yun to har shaam umeedo.n mein guzar jaati thee
aaj kuch baat hai, jo shaam pe rona aaya

Kabhi taqdeer ka maatum, kabhi duniya ka gila
manzil-e-ishq mein, har gaam[step] pe rona aaya

jabh hua zikr zamaane' mein mohabbat ka Shaqeel
mujhko apne dil-e-nakaam pe rona aaya



-----------------------------------------
Poet : Shaqeel Badayuni
Singer : Begum Akhtar

Aaina Mujhse Meri Pehli Si

Aaina Mujhse Meri Pehli Si Soorat Maange
Aaina Mujhse Meri Pehli Si Soorat Maange
Mere Apne Mere Hone Ki Nishaani Maangen
Aaina Mujhse Meri Pehli Si Soorat Maange

Main Bhatakta Hi Raha Dard Ke Veeraane Mein
Waqt Likhta Raha Chehre Pe Har Pal Ka Hisaab
Meri Shohrat Meri Deewangi Ki Nazar Hui
Pee Gayee Maiki Botal Mere Geeton Ki Kitaab
Aaj Lauta Hoon To Hansne Ki Adaa Bhool Gaya
Yeh Shahar Bhoola Mujhe, Main Bhi Ise Bhool Gaya
Mere Apne Mere Hone Ki Nishaani Maangen
Aaina Mujhse Meri Pehli Si Soorat Maange

Mera Fun Phir Mujhe Bazaar Mein Le Aaya Hai
Yeh Woh Jah Hai Ki Jahan Mehr-O-Wafa Bikte Hain
Baap Bikte Hain Aur Lakht-E-Jigar Bikte Hain
Kokh Bikti Hai Dil Bikte Hain Sar Bikte Hain
Is Badalti Hui Duniya Ka Khuda Koi Nahin
Saste Daamon Mein Har Roz Khuda Bikte Hain
Bikte Hain, Bikte Hain
Mere Apne Mere Hone Ki Nishaani Maangen
Aaina Mujhse Meri Pehli Si Soorat Maange

Har Khareedaar Ko Bazaar Mein Bikta Paaya
Hum Kya Paayenge Kisi Ne Yahan Kya Paaya
Mere Ehsaas Mere Pul Kahin Aur Chalen
Bol Puja Meri Bachchi Kahin Aur Chale
Aur Chale, Aur Chale


Film : Daddy

Aahat si koi aaye

Aahat si koi aaye to lagta hai ki tum ho
Saaya koi lehraaye to lagta hai ki tum ho

Jub shaakh koi haath lagate hee chaman mein
Sharmaaye,lachak jaaye, to lagta hai ki tum ho

Raaste ke dhundhalke mein kisi mod pe kuchh door
Ek lau si chamak jaaye to lagta hai ki tum ho

Sandal se mahakti hui purkaif hawa ka
Jhonka koi lehraaye to lagta hai ki tum ho

Odhe hue taaron kee chamaktee hui chaader
nadiya koi bal khaye to lagta hai ki tum ho

Jab raat gaye koi kiran mere barabar
Chupchap se so jaaye to lagta hai ki tum ho.




-------------------------------------------
Poet : Jaan Nissar Akhtar

aa, ki meree jaan ko qaraar naheeN

1. aa, ki meree jaan ko qaraar naheeN hai
taaqat-e-bedaad-e-intazaar naheeN hai

[ qaraar = rest/repose, bedaad = injustice ]

2. dete haiN jannat hayaat-e-dahar ke badle
nashsha ba_andaaza-e-KHummaar naheeN hai

[ hayaat = life, dahar = world, ba_andaaza = according to,
KHummaar = intoxication ]

3. giriya nikaale hai teree bazm se mujh ko
haay ! ki roone pe iKHtiyaar naheeN hai

[ giriya = weeping, iKHtiyaar = control ]

4. hamse 'abas hai gumaan-e-ranjish-e-KHaatir
KHaak meiN ushshaaq kee GHubaar naheeN hai

[ 'abas = indifferent, gumaan = suspicion, ranjish = unpleasantness,
KHaak = ashes/dust, ushshaaq = lovers, GHubaar = clouds of dust ]

5. dil se uThaa lutf-e-jalva haay ma'anee
GHair-e-gul aainaa-e-bahaar naheeN hai

[ ma'anee = meanings, GHair-e-gul = blossoms ]

6. qatl ka mere kiya hai 'ahad to baare
waae ! akhar 'ahad ustuwaar naheeN hai

[ 'ahad = promise, baare = at last, ustuwaar = frim/determined ]

7. toone qasam mai_kashee kee khaaee hai 'GHalib'
teree qasam ka kuchch 'eitbaar naheeN hai !

[ mai_kashee = boozing, 'eitbaar = trust/faith ]


------------------------------------------------------
Mirza Ghalib

aah ko chaahiye

aah ko chaahiye ik umr asar hone tak
kaun jiita hai terii zulf ke sar hone tak

daam har mauj me.n hai halqaa-e-sad_kaam-e-naha.ng
dekhe.n kyaa guzre hai qatare pe gauhar hone tak

[daam = net/trap; mauj = wave; halqaa = ring/circle;
sad = hundred; naha.ng = crocodile;]
[sad_kaam-e-nahaNg = crocadile with a hundred jaws; gauhar = pearl]

aashiqii sabr-talab aur tamannaa betaab
dil kaa kyaa ra.ng karuu.N Khuun-e-jigar hone tak

[sabr-talab = patient]


ham ne maanaa ke taGaaful na karoge lekin
Khaak ho jaaye.nge ham tumako Khabar hone tak

[taGaaful = neglect/ignore]

partav-e-Khuur se hai shabanam ko fanaa kii taaliim
mai.n bhii huu.N ek inaayat kii nazar hone tak

[partav-e-Khuur = sun's rays; shabanam = dew; fanaa = decimate;
inaayat = favour]

yak_nazar besh nahii.n fursat-e-hastii Gaafil
garmii-e-bazm hai ik raqs-e-sharar hone tak

[besh = excess; Gaafil = ignorant; raqs = dance, sharar = flash/fire]


Gam-e-hastii kaa 'Asad' kis se ho juz marg ilaaj
shamm'a har ra.ng me.n jalatii hai sahar hone tak

[juz = other than; marg = death]




------------------------------------------------------
Ghalib
Sung by Jagjit Singh

Meri Zindgi Kisi aur ki

Meri Zindgi Kisi aur ki, Mere naam ka Koi aur hai.
Mera Aks hai sar-e-Aaiina pas-e-Aaiina Koi aur hai.

Meri Dhadkano mein hain chak si, Ye Judai bhi hai milap si.
Mujhe kya pata mere dil bata mere saath kya koi aur hai.

Na gaye dino khabar ko khabar meri, na sharik-e-haal nazar teri.
Tere desh mein Mere bhes mein koi aur tha koi aur hai.

Wo meri taraf NigraaN rahe mera dhyan jaane kahaN rahe.
Meri Aankh maiN kai Soortein, Mujhe Chahta koi aur hai.


----------------------------------
sung by Jagjit Singh

samajhate the magar phir bhii

samajhate the magar phir bhii na rakkhii duuriyaa.N hamane
charaaGo.n ko jalaane me.n jalaa lii u.Ngaliyaa.N hamane

ko-ii titalii hamaare paas aatii bhii to kyaa aatii
sajaaye umr bhar kaaGaz ke phuul-o-pattiyaa.N hamane

yuu.N hii ghuT ghuT ke mar jaanaa hame.n ma.nzuur thaa lekin
kisii kam-zarf par zaahir na kii majabuuriyaa.N hamane

ham us mahafil me.n bas ek baar sach bole they eh vaalii
zubaa.N par umr bhar mahasuus kii chi.ngaariyaa.N hamane


-Album 'Love is Blind'
Jagjt Singh
Lyrics - Wali Aasi

tumhare shaher ka mausam

tumhare shaher ka mausam bad.a suhaa.naa lag.e
main ek shaam chura loon agar buraa na lag.e

tumhare bus mein agar ho to bhool jaao mujhe
tumhe bhulaane mein shaayad mujhe zamaana lag.e
main ek shaam chura loon ...


humare pyaar se jalne lagi hai ik duniya
dua karo kis dushman ki bad-du.a na lag.e
main ek shaam chura loon ...


jo dobna hai to itne sukoon se dub.o
ke aas.paas ki leharo.n ko bhi pata.a na lag.e
main ek shaam chura loon ...


kuch is sadaa se mere saath bewafaa.i kar
ke tere baad mujhe koi bewafa.a na lag.e
main ek shaam chura loon ...


-------------------------------------------

Lyrics: Qaier-ul-Jafar
Singer: Munni Begum
Album: Saahil

mai.n Khayaal huu.N kisii aur kaa

mai.n Khayaal huu.N kisii aur kaa, mujhe sochataa koii aur hai
sar-e-aaiinaa meraa aks hai, pas-e-aaiinaa koii aur hai


mai.n kisii ke dast-e-talab me.n huu.N, to kisii ke harf-e-duaa me.n
huu.N
mai.n nasiib huu.N kisii aur kaa, mujhe maa.Ngataa koii aur hai


kabhii lauT aae.N to na puuchhanaa, sirf dekhanaa ba.De Gaur se
ji.nhe.n raaste me.n Khabar huii ki ye raastaa koii aur hai


ajab aitabaar-ba-aitabaarii ke daramiyaa.N hai zi.ndagii
mai.n kariib huu.N kisii aur ke, mujhe jaanataa koii aur hai


vahii mu.nsifo.n kii rivaayate.n, vahii faisalo.n kii ibaarate.n
meraa jurm to koii aur thaa, par merii sazaa koii aur hai


terii roshanii merii Khaddo-Khaal se muKhtalif to nahii.n magar
tuu qariib aa tujhe dekh luu.N, tuu vahii hai yaa koii aur hai



-------------------------------------------------------------
Saleem Kausar Sung by Rais Khan in the album 'Ghazals
to Remember'

sunaa thaa ki vo aayeNge

sunaa thaa ki vo aaye.Nge a.njuman me.n
sunaa thaa ki un se mulaaqaat hogii
hame.n kyaa pataa thaa hame.n kyaa Khabar thii
na ye baat hogii na vo baat hogii

mai.n kahataa huu.N is dil ko dil me.n basaa lo
vo kahate hai.n hamase nigaahe.n milaa lo
nigaaho.n ko maaluum kyaa dill kii haalat
nigaaho.n-nigaaho.n me.n kyaa baat hogii

hame.n Khii.nch kar ishq laayaa hai teraa
tere dar pe hamane lagaayaa hai Deraa
hame.n hogaa jab tak na diidaar teraa
yahii.n subah hogii yahii.n raat hogii

muhabbat kaa jab hamane chhe.Daa fasaanaa
to gore se mukha.De pe aayaa pasiinaa
jo nikale the ghar se to kyaa jaanate the
ki yuu.N dhuup me.n aaj barasaat hogii



Album - Live at Royal Albert Hall
Singer - Jagjit Singh
Lyrics - Qamar Jalalabadi

kabhii Khaamosh baiThogii

kabhii Khaamosh baiThogii kabhii kuchh gun-gunaaogii
mai.n utanaa yaad aaoo.ngaa mujhe jitanaa bhulaaogii

ko_ii jab puuchh baiThegaa Khaamoshii kaa sabab tum se
bahut samajhaanaa chaahogii magar samajhaa na paaogii

kabhii duniyaa muqammal banake aaye.ngii nigaaho.n me.n
kabhii merii kami duniya kii har ik shai me.n paaogii

kahii.n par bhii rahe.n ham to muhabbat phir muhabbat hai
tumhe.n ham yaad aaye.nge hame.n tum yaad aaogii



Alubum 'Love is Blind' by Jagjeet Singh

aaj ham bichhaDe hain

aaj ham bichha.De hai.n to kitane ra.ngiile ho gaye
merii aa.Nkhe.n surKh tere haath piile ho gaye

kab kii patthar ho chukii.n thii mu.ntazir aa.Nkhe.n magar
chhuu ke dekhaa to mere haath giile ho gaye

jaane kyaa ehasaas saaz-e-husn kii taaro.n me.n hai.n
jin ko chhuute hii mere naGme.n rasiile ho gaye

ab ko_ii ummiid hai "Shahid" na ko_ii aarazuu
aasare TuuTe to jiine ke vasiile ho gaye

----------
ALBUM - 'Love is Blind', sung by Jagjit singh and poet is Shahid Kabir

tum ye kaise judaa ho gaye

tum ye kaise judaa ho gaye
har taraf har jagah ho gaye

apanaa cheharaa na badalaa gayaa
aa_iine se Khafaa ho gaye

jaane vaale gaye bhii kahaa.N
chaa.Nd suuraj ghaTaa ho gaye

bevafaa to na vo the na ham
yuu.N huaa bas judaa ho gaye

aadamii bananaa aasaa.N na thaa
sheKh jii paarsaa ho gaye

--------------------
Album - 'Love is Blind'
Sung by Jagjit Singh
Lyrics-Nida Fazli

hum hi mein thee na koi baat

hum hi mein thee na koi baat, yaad hi na tumko aa sake
tumnay hameiN bhula diya hum na tumhe bhula sake

tum hi na sun sake agar kissa-e-gham sunega kaun
kis ki zubaan khulegi phir hum na agar suna sake

shauk-e-visaal hain yahaN lab pe sawaal hai yahaN
kis ki majaal hai yahaN hum se nazar mila sake

Dosti Jabh Kissi se ki jaye

Dosti Jabh Kissi se ki jaye
Dushmano ki bhi raey le jaye

Maut ka zehar hai fizzahon mein
Abh kahan ja ke saans le jaye

Buss issi sonch mein hoon dooba hua
Yeh nadi kaise paar ki jaye

Mere maazi ke zakhm bharne lage
Aaj fhir koi bhool ki jaye

Botalein khol ke to pee barson
Aaj dil khol kar bhi pee jaye

Kahin Aisa na ho daman jala lo

Kahin Aisa na ho daman jala lo
Humare Aansuon par khaak dalo

Manana bhi zaroori hai to fhir tum
Humein sabh se khafha ho kar mana lo

Bahut royi hui lagti hain Aankhein
Meri khatir zara kajal laga lo

Akelepan se khauff aata hai mujhko
Kahan ho aae mere khwabo-khayalo

Bahut maayoos baitha hoon main tumse
Kabhi aakar mujhe hairat mein daalo

manzil na de, charaag na de

manzil na de, charaag na de, hauslaa to de
tinke ka hi sahee, tu magar aasraa to de

maiNe ye kab kaha, ke mere haq meiN ho jawaab
lekin khamosh kyooN hai, tu koi faislaa to de

barsoN maiN tere naam pe khaata raha fareb
mere khuda kahaN hai, tu apna pata to de

beshaq mere naseeb pe, rakh apnaa ikhtiyaar
lekin mere naseeb meiN kya hai bata to de

ye to nahiN ke gam nahiN

ye to nahiN ke gam nahiN
haaN meri aaNkh nam nahiN

tum bhi to tum nahiN ho aaj
hum bhi to aaj hum nahiN

ab na khushi kee hai khushi
gam ka bhi ab to gam nahiN

maut agar che-maut hai
maut se zeest kam nahiN

kabhi to khul ke baras

kabhi to khul ke baras ab ke meherbaaN ki taraH
mera wazood hai jalte huye makaN kee taraH

main ik khwaab sahee aapki amaanat hooN
muJhe sambhaaL ke rakhiyegaa jism-o-jaaN ki taraH

kabhi to soch ke wo saKsh kis kadar tha buland
jo bichh gaya tere kadmoN meiN aasmaaN ki taraH

bula rahaa hai muJhe fir kisi badan ka basanth
guzar na jaaye ye ruth bhi kahiN khizaaN ki taraH

ae khuda ret ke sehra ko

ae khuda ret ke sehra ko samandar kar de
ya chhalakti aanKhoN ko bhi patthar kar de

tuJhko dekha nahiN mehsoos kiya hai maine
aa kisi din mere ehsaas ka paikar kar de

aur kuch bhi muJhe darkaar nahiN hai lekin
meri chaadar mere pairoN ke baraabar kar de

tumne sooli pe latakte

tumne sooli pe latakte jise dekha hoga
waqt aayega wahi shaksh maseeha hoga

khwaab dekha thaa ke sehra meiN basera hoga
kyaa khabar thi ke yahi khwaab to sachcha hoga

maiN fizaaoN meiN bikhar jaaoonga khushboo bankar
rang hoga na badan hoga na chehra hoga

Yaad nahi kya kya dekha thaa

Yaad nahi kya kya dekha thaa, saarey manzar bhool gaye
Uski galiyon se jabh lautey, apna bhi ghar bhool gaye

khoob gaye pardes ki apne dewaar-o-dar bhool gaye
sheesh mahal ne aisa ghera ki mitti ke ghar bhool gaye

Tujh ko bhi jabh apni kasmein apne vaadey yaad nahi
hum bhi apne khwaab teri aankhon mein rakh kar bhool gaye

Mujhko jinho-ne qatl kiya hai, koi unhe batlaaye Nazir
Meri laashh ke pehlu mein woh apna khanjar bhool gaye


-Sung By Jagjit Singh (Album : Saher)

Tumne Dil ki Baat keh di

Tumne Dil ki Baat keh di, aaj yeh accha hua
Hum tumhe apna samajhte theey, bada dokha hua

Jabh bhi humne kuch kaha, uska asar ulta hua
Aap shayad bhoolte hain, baar-ha aisa hua

Aapki aankhon mein yeh aansoon kahan se aa gaye
Hum to deewane hain lekin, aapko ye kya hua

Abh kissi se kya kahein, Iqbal apni daastan
bus Khuda ka shukr hai, jo bhi hua accha hua


-Sung by Jagjit Singh

Yeh jo Zindagi ki Kitaab hai

Yeh jo Zindagi ki Kitaab hai,
yeh kitaab bhi kya kitaab hai
Kahin ikk haseen sa khwaab hai
kahin jaan-lewa azaab hai

Kahin chaaon hai kahin dhoop hai
Kahin aur he koi roop hai
kae chehre iss mein chupe hue
ikk ajeeb se yeh naqaab hai

Kahin khho diya kahin paa liya
kahin ro liya kahin gaa liya
kahin cheen leti hai har khushi
kahin meharbaan behisaab hai

Kahin aansu-on ki daastan
kahin musqurahaton ka bayaan
kahin barqaton ki hai barishein
kahin tishna-gi behisaab hai

-Sung by Jagjit Singh

ek shamma andhere mein jalaye rakhiye

ek na ek shamma andhere mein jalaye rakhiye
subaH hone ko hai maahOl sajaaye rakhiye

jinke haathoN se hume zakm-e-neha pahunchi hai
wo bhee kehte hain ke zakhmoN ko chupaaye rakhiye

kaun jaane ke wo kis raah-guzar se guzre
har guzar raah ko phooloN se sajaaye rakhiye

daaman-e-yaar ki zeenat na bane har ansoo
apni palkon ke liye kuch to bachaaye rakhiye

kabhi guncha kabhi shola

kabhi guncha kabhi shola kabhi shabnam kee tarah
log milte haiN badalte huye mausam kee tarah

mere mehboob mere pyaar ko ilzaam na de
hiJr meiN eed manaayee hai moharrum ki tarah

maine khushboo kee tarah tuJhko kiya hai mehsoos
dil ne chheDa hai teri yaad ko shabnam ki tarah

kaise ham-dard ho tum kaisee masihaayee hai
dil pe nashtar bhi lagaate ho to marham ki tarah

aaye haiN samjhaane log

aaye haiN samjhaane log
haiN kitne deewane log

dair-o-haram meiN chain jo miltha
kyoN jaathe maikhaane log

jaan ke sab kuch, kuch bhi na jaane
haiN kitne anjaane log

waqt pe kaam nahiN aathe haiN
ye jaane pehchaane log

ab jab mujh ko hosh nahiN haiN
aaye haiN samjhaane log

jawan hain raat

jawan hain raat sakiya sharaab la sharaab la
zara si pyaas to bhuja sharaab la sharaab la

tere shabab par sada karam rahey bahaar ka
tujhay lage meri dua sharaab la sharaab la

yahaN koi na jee saka na jee sakega hosh mein
mitaa dey naam hosh ka sharaab la sharaab la

tera baDa hi shukriya pilaaye ja pilaaye ja
na zikr kar hisaab ka sharaab la sharaab la

Awaara hai galiyo.n mein

Awaara hai galiyo.n mein, Main aur meri tanhayee
Jaye.n to kaha.n jaye.n, har maud pe ruswayee

Yeh phool se chehre hain, haste hue' guldaste'
koi nahi apna, be-gaane' sabh raste'
Rahe.n bhi tamashaaye, rahi bhi tamashaayee

Armaan sulagte hain seene' mein, chitta jaise
qatil nazar aati hai, duniya ki hawa jaise
rotee hai mere dil par, bajti hui sehnayee

Aakaash ka maathey par, taron ka charag-an hai
pehlu mein magar mere, zakhmon ka gulista.n hai
Aankho.n se lahoo tapka, daman mein bahaar aayi


--------------------------------------------------
Poet : Ali Sardar Jafri
Singer : Jagjit Singh
Album : Awaaz

bahut pehle se un qadmon ki

bahut pehle se un qadmon ki aahaT jaan letey hai
tuJhe ae zindagi hum door se pehchaan letey haiN

tabiyat apni ghabraati hai jab sunsaan raatoN meiN
hum aise meiN teri yaadoN ki chaadar taaN lete haiN

meri nazreN to aise qaafiroN ka jaan-o-imaaN hai
nigaaheN milte hi jo jaam aur imaan lete haiN

'firaq' aksar badal kar bhesh milta hai koi qaaTil
kabhi hum jaan lete hiaN kabhi pehchaan lete haiN

chala hooN

chala hooN ghar ko choDkar
na jaane jaaoonga kidhar
koi nahiN jo Tok'kar
koi nahiN jo Rok'kar
kahe ke laut aai'iye
meri kasam na jaai'iye

meri kasam naa jaai'iye ......

Unke dekhey se jo aati hai

Unke dekhey se jo aati hai Munh pe raunak
Woh samjhte hain ki Bemaar ka haal accha hai

Dekhe kya paatey hain woh ush-faaq-butoun se Faiz
Ek brahman ne kaha hai ke yah saal accha hai..

Humko maloom hai janaat ki haqeeqat lekin
dil ke khush rakhne ko ghalib yeh khayal accha hai

yeh mojeza bhi mohabbat kabhi

yeh mojeza bhi mohabbat kabhi dikhaaye muJhe
ke sang tuJhpe gire aur zakhm aaye muJhe

wo meharbaaN hai tho ikraar kyooN nahiN kartha
wo badgumaaN hai tho sau baar aazmaaye muJhe

wo mera dost hai saare jahaaN ko hai maaloom
daga kare wo kisi se tho sharm aaye muJhe

maiN apni zaat meiN neelam ho raha hooN 'qateel'
gham-e-hayaat se keh do khareed laaye muJhe

Baat nikalegi to fhir

Baat nikalegi to fhir doooor talak jayegi
Log bewajha udaasi ka sabab poochenge
Yeh bhi Poochenge ki tum itni pareshaan kyoon ho

Ungliyan uthengi sookhe hue baalon ki taraf
Ikk nazar dekhenge guazre hue saalon ki taraf
Choodiyon par bhi kae tanz kiye jayeinge
Kaanpte hue haathon pe bhi fikre kasse jayeinge

Log zalim hain, har ikk baat ka taana denge
Baton baton mein mera zikr bhi le aayenge
Baton baton mein mera zikr bhi le aayenge
Unki Baaton ka zara sa bhi asar mat lena
Warna chehre ke tasur se samajh jayeinge

Chahe kucch bhi ho, sawalaat na karna unse
Chahe kucch bhi ho, sawalaat na karna unse
Mere barein mein koi baat na karna unse

Baat nikalegi to fhir dooor talak jayeegi

Raat bhi, neendh bhi, Kahaani bhi

Raat bhi, neendh bhi, Kahaani bhi
Hai kya cheez hai jawani bhi

Dil ko sholon se karte hain sailaab
Zindagi aag bhi hai paani bhi

Khalq kya kya mujhe nahi kehti
Kucch sunu main teri zubaani bhi

Paas rehna kissi ka raat ki raat
Mehmaani bhi meezbaani bhi

Umr jalwon mein basar ho

Umr jalwon mein basar ho, yeh zaroori to nahi
Har Sabh-e-gham ki Sehar ho, yeh zaroori to nahi

Cheshm-e-saaqi se piyo, ya labb-e-sagar se piyo
Bekhudi aathon pehar ho , yeh zaroori to nahi

Neendh to Dard ke bistaar pe bhi aa sakti hai
Unki Aagosh mein sarr ho , yeh zaroori to nahi

Sheikh karta to hai Masjid mein Khuda ko sajde'
Uske sajd-on mein asar ho, yeh zaroori to nahi

Sabh ki nazron mein ho Saaqi (God) yeh zaroori hai magar
sabh pe Saaqi ki Nazaar ho, yeh zaroori to nahi


-Jagjit Singh
Live at Wembly

Dost ban ban ke mile mujhko

Dost ban ban ke mile mujhko mitaane wale
Maine dekhe hain kaee rang badalne wale

Tum ne chup reh kar sitam aur bhi dhaya mujhe par
Tum se acche hain mere haal pe hansne wale

Main to ikhlaak ke hathon hi bika karta hoon
Aur honge tere bazar mein bikne wale

Akhri baar salaamein dil-e-muztar le lo
Fhir na lautenge shab-e-hijr ke rone' wale

Dost ban ban le mile mukjo mitaane wale

Dil mein na ho juraat to

Dil mein na ho juraat to Mohabbat nahi milti
Khairaat mein itni Baddi daulat nahi milti

Kuch Log Yun hi Shaher mein hum se bhi Khafa Hain
Har ek se Apni bhi tabiyat nahi milti

Dekha Tha Jisse maine koi aur thaa shayaad
Woh kaun hai jiss se teri soorat nahi milti

Hanste Huye chheron se hai Bazaar ki Zeenat
Rone ko yahan Waise Bhi Fursat nahi milti

Kisi Ranjish ko hawa do

Kisi Ranjish ko hawa do
ke main zinda hoon abhi
Mujhko ehsaas dila do
ke main zinda hoon abhi

Mere rukne se
meri saansein bhi ruk jayeingi
faasle aur badha do
ke main zinda hoon abhi

zehar peene ki
to aadat thi zamaane walo
Abh koi aaur dawa do
ke main zinda hoon abhi

Chalti rahon mein
yoon hi aankh lagi hai Faqie
bheed logo ki hata do
ke main zinda hoon abhi

Koi yeh Kaise bataye

Koi yeh Kaise bataye ki woh tanha kyoon hai
Woh jo apna thaa wohi aur kissi ka kyoon hai
yehi duniya hai to fhir aisi yeh duniya kyoon hai..
yehi hota hai to akhir yehi hota kyoon hai

Ek zara haath badda dein to pakad le daman
Uske seene mein samma jaye humari dhadhkan
itni kurbat hai to fhir fasla itna kyoon hai

Dil-e-barbad se nikla nahi abh tak koi
Ikk lutte ghar pe diya karta hai dastak koi
aaas jo toot gayi fhir se bandata kyoon hai

Tum massarat ka kaho ya isse gumm ka rishta
kehte hain pyaar ka rishta hai janam ka rishta
hai janam ka rishta to badalta kyoon hai

Tere khusbhoo mein buse khat

Tere khusbhoo mein buse khat main jalata kaise ?
Pyar mein doobe hue khat main jalata kaise ?
Tere haathon ke likhe khat main jalata kaise ?

Jinko duniya ki nigaho se chuppaye rakha
jinko ikk ummr kaleje se lagaye rakhaa
deen jinko jinhe imaan banaye rakha

Tere khushboo mein buse khat mein jalata kaise ?

Jinka har lafz mujhe yaad thaa paani ki tarah
yaad thhey mujhko jo paigaam-e-zubaani ki tarah
Mujhko pyaare thhey jo anmol nishaani ki tarah

Tere khushboo mein buse khat main jalata kaise ?

toone duniya ki nighahoon se jo bachkar likhe
saal-ha-saal mere naam barabar likhe
kabhi din mein kabhi to kabhi raat ko Uthh kar likhe

Tere khushboo mein buse khat mein jalata kaise ?
Pyar mein doobe hue khat mein jalata kaise ?
Tere haathon ke likhe khat mein jalata kaise ?

Tere khat mein Aaj Ganga mein bahha aaya hoon
Tere khat mein Aaj Ganga mein bahha aaya hoon
Aag behte huey paani mein lagga aaya hoon

Dil mein abh dard-e-mohabbat ke siwa

Dil mein abh dard-e-mohabbat ke siwa kucch bhi nahi
zindagi meri ibadat ke siwa kuch bhi nahi

Main teri bargahe-naaz mein kya pesh karoon
Meri joli mein mohabbat ke siwa kucch bhi nahi

Ae Khuda mujh se na le mere gunahon ka hisaab
meri paas ash-e-nadamat ke siwa kuch bhi nahi

woh to mitt kar mujhe mil hee gayi rahat warna
zindagi ranj-o-museebat ke siwa kucch bhi nahi

Bebasi jurm hai

Bebasi jurm hai hosla jurm hai
Zindagi teri har ikk adda jurm hai...

Aye sanam tere bare mein sonch kar
apne bare mein sonchna jurm hai...

Yaad rakhna tujhe mera ikk jurm thaa
bool jana tujhe doosra jurm hai...

kya sitam hai ki tere haseen sehar mein
har tarf gorr se dekhna jurm hai...

Mujhko yakeen hai sacch kehti thee

Mujhko yakeen hai sacch kehti thee,
jo bhi Ammi kehti theein.
Jabh Mere bachpann ke din they,
Chand pe pariyan rehti thein..

Ek yeh din jabh apno ne bhi
humse Naata tod liya
Ek woh din jabh Ped ki shakhein
bhoj humara sehti theein.

ek yeh din jabh saari sadkein
roothi roothi lagti hain
ek woh din jabh
aao khelein saari galiyaan kehti theein

Ek yeh din jabh jaagi ratein
Deewaron ko takti hain..
Ek woh din jabh shyaamon' ki bhi
palkein bhojal rehti theein

Ek yeh din lakhoon gumm
aur akaal pada hai aansoon ka
Ek woh din jabh Ek
zaraa se baat pe nadiyaan behtein theein..

Mujhko yakeen hai sacch kehti thee,
jo bhi Ammi kehti theein.
Jabh Mere bachpann ke din they,
Chand pe pariyan rehti thein..

Apne honthon par

Apne honthon par sajana chahta hoon..
aa tujhe mein gungunana chahta hoon..

koi aansoo tere daman par gira kar..
boondh ko moti banana chahta hoon..

Thakk gaya mein karte karte yaad tujhko..
Abh tujhe mein yaad aana chahta hoon...

Aakhiri hichhki tere zaano' pey aaye..
Maut bhi mein shayaraana chahta hoon..

Dard badh kar fugaan na ho jaye

Dard badh kar fugaan na ho jaye
Yeh zameen Aasmaan na ho jaye

Dil mein dooba hua jo nashtar hai
Mere dil ki zubaan na ho jaye

Dil ko le leejiye jo lena hai
Fhir yeh sauda garaan na ho jaye

Aah keejiye magar lateef tareen
Labh tak aakar duan na ho jaye

Mere jaise ban jaooge

Mere jaise ban jaooge, jabh ishq tumhe ho jayega
Deewaron se takroage , jabh ishq tumhe ho jayega

Har baat gawara kar loge, Manat bhi utaara kar loge
Tawwezen bhi bandhwa loge, jabh ishq tumhe ho jayega

Tanhayee ke joole joologe, har baat purani boologe
aainae se tum ghabraoge, jabh ishq tumhe ho jayega

Jabh suraj bhi kho jayega, aur chand bhi kahin so jayega
Tum bhi ghar deear se aaoge, jabh ishq tumhe ho jayega

Bechaini jabh bad jayegi aur yaad kissi ki aayegi
Tum meri ghazalein gaooge jabh ishq tumhe ho jayega

Pyaar ka pehla khat

Pyaar ka pehla khat likhnay mein waqt to lagta hai,
Naye parindo ko udnay mein waqt to lagta hai !

Jism ki baat nahin thi, unkay dil tak jaana tha,
Lambi doori tay karnay mein waqt to lagta hai !

Gaanth agar lag jaayey to, phir rishtay ho ya dori,
Lakh karen koshish khulnay mein waqt to lagta hai !

Hamnay illaj-e-zakhm-e-dil to doond liya lekin,
Gharay zakhmon ko barnay mein waqt to lagta hai !

illaj-e-zakhm-e-dil : cure-for-wounds-of-heart
Gharay : deep

Pyaar ka pehla khat likhnay mein waqt to lagta hai,
Naye parindo ko udnay mein waqt to lagta hai !

Tere barein mein jabh soncha nahi thaa

Tere barein mein jabh soncha nahi thaa.
Main tanha thaa magar itna nahi thaa.
Teri tasveer se karta thaa batein
Mere kamre mein aaina nahi thaa
Samandar ne bhi mujhe pyasa he rakha
Mein jabh sehra mein thaa pyasa nahi thaa
Roothne manane ke iss khel mein hum
Yoon bichad jayeinge soncha nahi thaa
Suna hai kal usne kar li bandh aankhen
Waise bhi kai raton se woh soya nahi thaa

Gham Chale aate hain

Gham Chale aate hain Qatil ki nighaon ki tarah
Tum chuppa lo mujhe aae dost gunahon ki tarah

Apni nazron mein gunahgaar na hote kyoon kar
Dil he dushman hai mukhalif ke gawahon ki tarah

Har taraf zist ki rahoon mein kadi doop hai dost
Bus teri yaad ke sayee hain panahon ki tarah

Jinki khatir kabhi ilzaam utthaye Faqir
woh bhi pesh aaye hain Insaaf ke shaho ki tarah

Sar jukaoge to patthar devta ho jayega

Sar jukaoge to patthar devta ho jayega
Itna na chahho usse, woh bewafa ho jayega

Hum bhi darya hain, humein apna hunnar maloom hai
Jiss taraf bhi chal padenge, raasta ho jayega

Mein Khuda ka naam le kar pee raha hoon doston
Zehar bhi iss mein agar hoga, Dawa ho jayega

Roothh jana to mohabbat ki alaamat hai magar
Kya khabar thee mujhse woh itna khafa ho jayega

Pathar ke Khuda Pathar ke Sanam

Pathar ke Khuda Pathar ke Sanam
Pathar ke bhi Insaan paaye hain
Tum Shehar-e-mohabbat kehte ho
Hum jaan bacha kar aaye hain


Bhut-khana samajhte ho jisko
poocho na wahan kya halat hai
Hum log wahin se lautey hain
Bus shukar karo laut aayein hai

Hum Sonch rahein hain Muddat se
Abh Ummr guzarein bhi to kahan
Sehra mein Khushi ke phool nahi
Shehar-on mein gummon ke sayee hain

Hothon pe tabbasum halka sa
Aankhon mein nami si hai Faqir
Hum Ahele mohabbat pe aksar
Aise bhi zamane aaye hain

Na thaa Kucch to Khuda thaa

Na thaa Kucch to Khuda thaa
Kucch na hota to Khuda hota
Duboyya mujh ko - honne ne
Na hota main - to Kya hota

Hua jabh gumm se yoon befikr
to gumm kya sar ke kutne ka
Na hota agar judda tan se..
to zaano par dhara hota..

Huee muddat ke Ghalib marr gaya
par yaad aata hai
woh har ikk baat pe kehna
ki yoon hota to kya hota..

Tujhe apna nahin sakta

Tujhe apna nahin sakta, magar, itna bhi kya kam hai ki
Do ghadiyan tere khwabon mein khokar jee liya maine.
Pyar par bas to nahin hai mera lekin phir bhi,
Yeh bata de ki tujhe pyar karoon ya na karoon,
O mere khwabon ke jharokhon ko sajaane waali,
Tere khwaabon mein kahin mera guzar hai ki nahin,
Pooch kar apni nigaahon se bata de mijhko,
Mere raaton ke mukaddar mein sehar hai ki nahi,
Pyar par bas to nahin hai.

Maine dil se kaha

Maine dil se kaha "Ae dewaane' bata
Jabh se koi mila Tu hai khoya hua
Yah kaahani hai kya, hai yeh kya silsila
Ae dewaane' bata!"


Maine dil se kaha "Dhadkano mein chupi
kaisi awaaz hai? kaisa yeh geet hai ?
kaisa yeh saaz hai? Kaisi yeh baat hai ?
kaisa yeh raag hai?
Ae dewaane' bata!"

Mere dil ne kaha "Jabh se koi mila, Chand Tare fizah
Phool Bhanwarein Hawa, Yeh Haseen vadiyan
Neela yeh aasmaan, sabh hai jaise naya" Mere dil ne kaha

Maine dil se Kaha "Mujh ko yeh to bata, Jo hai tujh ko mila
Uss mein kya baat hai ? Kya hai Jadoogari ?
Kaun hai woh Pari? Ae dewaane' bata!"

Mere dil ne kaha "Na woh koi pari, na koi mehjabeen
Na woh duniya mein hai sabh se zyada haseen,
Seedhi saadhi-si hai, boli baali si hai
Lekin uss mein Ada ek nirali si hai
Uss ke bin mera jeena he bekar hai"

Maine dil se kaha "Baat itni si hai, ke tujhe Pyaar hai"

Mere Dil ne kaha "Mujh ko ikraar hai,
Haanh mujhe pyaar hai,
Haanh mujhe pyaar hai"

Jabh kissi se koi gilla rakhna

Jabh kissi se koi gilla rakhna
saamne apne Aayna rakhna

Yoon ujaalon se waasta rakhna
shamma ke paas hee hawa rakhna

Ghar ki tameer chahiye kaisi ho...
Iss mein ronne ki kuch jagah rakhna

Masjidein hain namaaziyon ke liye
Apne ghar mein kahin Khuda rakhna...

Milna julna jahan zaroori ho..
milne julne ka hosla rakhna...

Kaise kaise haadse sehte rahe

Kaise kaise haadse sehte rahe
fhir bhi humm jeete rahe, hanste rahe

Uske aajane' ki umeedein liye
raasta mudh-mudh ke hum takte rahe

Waqt to guzra magar kucch iss tarah
hum chirago kee tarah jalte rahe

kitne chehre the'y humare aas pass
tumm he tumm dil mein magar baste rahe

Koi dost hai na raqeeb hai

Koi dost hai na raqeeb hai
   Tera sehar kitna ajeeb hai

Woh jo ishq thaa woh junoon thaa
   yeh jo hijr hai yeh naseeb hai

Yahan kisska chehra pada karoon
   yahan kaun itna kareeb hai

Mein kissse kahoon mere saath chal
  yahan sabh ke sar pe saleeb hai

jabh tassavur mera chupke se tujhe choo aaye

jabh tassavur mera chupke se tujhe choo aaye..
  apni har saans se mujhko teri khusbhoo aaye.

Mashgala abh hai mera  chaand ko takte rehna
  raat bhar chain na tujh bin kissi pehlu aaye

Gantiyan bajne lagi hijr ke sanatte se
  Gungunata hua aase mein agar tu aaye..

jabh kabhi gardish-e-duaraan ne sataya mujhko
  meri janib tere pehle hue bazzon aaye

Ya Mujhe Afsar-E-Shah

Ya Mujhe Afsar-E-Shah na banaya hota
   ya Mera Taj-Gadayana Banaya Hota

Khaksari ke liye Garche Nabaya tha Mujhe
   Kaash Sang-e-Dar-e-Jaana Na Banaya Hota
 
Nasha-e-Ishq ka gar Zurf Diya tha Mujhko
   Umar ka Tang Na Paimana Banaya hota

Roz Mumuraye duniya mein Kharabi Hai zafar
   Aisi Basti se to veerana banaya hota

                     -Bahadur Shah Zafar

-------------------------------------------
   Afsar-E-Shah  : Chief of Kings
   Taj-Gadayana  : Hermit like crown
   Khaksari      : Service
   Garche        : if
   Sang-e-Dar-e-Jaana : Stepstone of beloved door
   Zurf          : Privilege
   Umar          : Life
   Mumuraye      : Routine
------------------------------------------

Zinda.gi kuch bhi nahin

Zinda.gi kuch bhi nahin fir bhi jiye jaate hai.N
Tujh pe e Waqt hum ehsaan kiye jaate hai.N

Kuch to halaat ne muzrim hame thahraya hai
Aur kuch aap bhi ilzaam diye jaate hai.N

Cheen li waqt ne ulfat ke gamo.N ki daulat
khaali daman hai wohi saath liye jaate hai.N

Zinda.gi kya hai koi chaak-e-kafan hai 'Fakir'
umr ke haatho.N se hum jisko jiye jaate hai.N


-------------------------------------------------
Poet   : Sudarshan 'Fakir'

Zindagi se badi Saza hi nahi

Zindagi se badi Saza hi nahi
  Aur kya jurm hai Pata hi nahi

Itne hisson mein butt gaya hoon main
  Mere hisse mein kucch bacha he nahi

Sach ghate ya Bade to Sach na rahe
  Jooth ki koi inteha hee nahi

Judd do chaandi mein chahe sone' mein
  Aaina jooth bolta hee nahi
 

Zindagi tujh ko jiya hai

Zindagi tujh ko jiya hai, koi afsos nahi
   zehar khud maine piya hai, koi afsos nahi

Maine mujrim ko bhi mujrim, na kaha duniya mein
   bus yehi jurm kiya hai, koi afsos nahi

Meri kismat mein jo likhe theyy, unhi kaanton se
   dil ke zakhmo  ko siyya hai, koi afsos nahi

Abh gire sang, ki seeshon ki ho barish, Fakir
   abh kafan oodh liya hai, koi afsos nahi


--------------------------------------------
Poet  : Sudharsan Fakir
Singer: Chitra Singh
Album : Rare Moments

zindagi tune lahoo leke

zindagi tune lahoo leke diya kuch bhi nahin
mere daaman mein tere waaste kya kuch bhi nahin

mere in haathon ki chhao to talaashi lelo
mere haathon mein lakeeron ke siwa kuch bhi nahin

yaa khuda ab ke yeh kis rang mein aayi hai bahaar
zard hi zard hai peRhon pe hara kuch bhi nahin

dil bhi ik zid pe adda hai kisi bachhe ki tarah
yaan to sab kuch hi isey chahiye yaan kuch bhi nahin


 hamane dekhaa hai ka_ii aise Khudaao.n ko yahaa.N
 saamane jin ke vo sach much kaa Khudaa kuchh bhii nahii.n

------------------------------------------------------
Poet : Rajesh Reddy
Singer: Jagjit Singh
Album : Face to Face

tere kadmo pe sar hoga

tere kadmo pe sar hoga kaza sar pe hogi..
fhir uss sajde' ka kya kehna anokhee bandagee hogi...

naseemein subah gulshan mein gulon se khelti hongi
kissi ki aakhiri hicchki kissi ki dilagi hogi...

dikha doonga sare mehfil,..bata doonga sare mehshir
woh mere dil mein honge aur duniya dekhti hogi..

maza aajayega mehshir fhir sun-ne suna-ne ka...
zuban hogi wahan meri, kahani aapki hogi...

tumhe daanista mehfil mein jo dekha ho to mujrim hoon...
nazar akhir nazar hai,... be-iraada uthh gayi hogi..

A Foreword...

This is a blog to revive and keep going my old passion for Urdu poetry – specifically ghazal. A passion developed and nurtured in my early days as a student took a back-seat of sorts – when the grind of life took over. Scrambling through a life – making sense of a professional goal, juggling the rising interest rates, rising fuel prices and falling returns and the song and dance keeping things going from one day to another – I just lost up on some old things.

This blog is to rekindle the old flames, relive some of my cherished ghazals, nazms etc – and here I publish the lyrics I painstakingly penned from my collection of Jagjit Singh classics or Ghulam Ali mp3’s over the years. I seem to have lost my touch in many ways… the worst of all is probably to do with age – not being able to remember the lyrics/wordings of those favourite sher’s – not even the ones I wrote in my pensive days.

I can barely read Urdu script – so I am not going to attempt writing them in Urdu. I can barely write my own name in Urdu now… Urdu is an interesting language, sweet in mannerisms, delicate in touch, and poetic even in simple diction.

        Ghazal rudaad hai naakaamiyon ki,

        Ghazal mehrumiyon ki daastaan hai  |

        Ghazal riste hue zakhmon ka marham,

        Ghazal ek chaaraa-e-dard-e-nihan hai  |

        Ghazal ka husn hi hai, husn-e-aalam,

        Ghazal ka noor hi noor-e-jahan hai |

                                      - Jagdish Bhatnagar 'Hayaat'