Niyyat-e-shauq bhar na jae kaheen
Tu bhee dil se utar na jae kaheen
Aaj dekha hai tujh ko der ke baad
Aaj ka din guzar na jae kaheen
Na mila kar udaas logon se
Husn tera bikhar na jae kaheen
Aarzoo hai ke tu yahan ae
Aur phir umar bhar na jae kaheen
Ji jalata hoon aur sochta hoon
Raigan yeh hunar na jae kaheen
Ao kuch der ro hee lein nasir
Phir yeh darya utar na jae kaheen
----------------------------------------
Poet : Nasir Kazmi
Subscribe to:
Post Comments (Atom)
No comments:
Post a Comment